Hiru Hiriburuak txapelketak ezagutzen ditu dagoeneko bere finalistak, goraino bete den Bilboko Esperantza frontoian igandean jokatutako jardunaldi arrakastatsu baten ondotik. Elite mailan, Goiuri Zabaleta leitzarra eta Mendizabal, iazko txapeldunak, txapela defendatzen saiatuko dira datorren igandean Donostiako Atano III.a frontoian Etxegarai-Gaminderen aurka. Azken hauek Lopez de Okarizi eta Bertizi 22-5 irabazi diete finalerdian eta Zabaletak eta Mendizabalek 22-13 irabazi diete Arrizabalagari eta Bergarari.
Maila horretan finalerdia galdu zuen Nahia Bertiz sunbildarrak, baina gazte mailan sailkatzea lortu du Dunixe Alberro iturendarrak
Gazte mailako finalerako txartela lortu du Dunixe Alberro iturendarrak ere. Intza Arrutirekin batera, June Zabala eta Izar Etxezarreta izanen ditu arerio finalean. Promesa mailan, berriz, Insausti-Betegi eta Arratibel-Galardi bikoteek lortu dute finalerako txartela.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.