Gazara ailegatu aitzinetik, laguntza humanitarioa eramateko asmoz antolatutako Global Sumud elkartasun ontzidia atzeman eta bertako ekintzaileak bahitu ditu Israelgo armadak. Hori salatu, Palestinari elkartasuna adierazi eta Israel egiten ari diren genozidioa gelditzeko eskatuz, elkarretaratzeak egin zituzten atzo Euskal Herriko bazter aunitzetan, tartean, Arantzan, Areson, Bera, Elizondon, Goizuetan eta Leitzan. Gazarako Mugimendu Globala kolektiboak eta Palestinarekin Elkartasuna taldeak deitutako mobilizazioak izan ziren.