Gaur, ortzeguna
Herriz herriko datuei erreparatuz, Urdazubin eta Zugarramurdin abisu berdea ezarri du Nafarroako Gobernuak, hau da, mendiko arriskuak izateko abisu moderatua izanen dela erran du. Aranon, Arantzan, Baztanen, Beran, Etxalarren, Igantzin, Lesakan eta Sunbillan, berriz, abisu horia ezarri du, mendiko suteak izateko arriskua altua. Eskualdeko gainerako herrietan, beti ere TTIPI-TTAPAren Hegoaldeko eremua hartuta, abisua laranja da, alegia, sute arriskua hagitz altua da.
Bihar, ortziralea
Bihar, ortziralea, mendiko suteak izateko arriskua handituko da. Beran, Etxalarren, Urdazubin eta Zugarramurdin ez bertze –horietan abisu laranja–, gainerakoetan muturreko arriskua izanen da mendiko suteak izateko.
Etzi, larunbata
Beran, Etxalarren, Igantzin, Lesakan, Sunbillan eta Zugarramurdin abisu horia izanen da; berdea Urdazubin, eta gainerako guzietan abisu laranja.