Goiuri Zabaletak galdu egin du sorterrian Nafarroako Foru Komunitateko txapelketako jardunaldian

Ttipi-Ttapa 2025eko irailaren 17a

Laia Salsamendi sakean igandean Leitzako Amazabalen. Ane Mendibururekin batera, lau tantotan utzi zituzten Leire Oskoz eta Olatz Ruiz de Larramendi.

Nafarroako Gobernuak, Nafarroako Kirolaren eta Jarduera Fisikoaren Institutuaren bidez, eta Nafarroako Euskal Pilota Federazioarekin lankidetza estuan, Nafarroako Foru Komunitateko emakumeen pilotako txapelketaren bosgarren edizioa antolatu du. Igande honetan jokatu dute esku pilotako elite mailako jardunaldia Leitzako Amazabal pilotalekuan eta etxeko pilotariak, Goiuri Zabaletak, Nora Mendizabalekin batera, galdu egin zuen Aizane Ibarrolaren eta Arrate Bergararen kontra (22-9). Txpelketako beste partidan, Laia Salsamendik eta Ane Mendiburuk lau tantotan utzi zituzten Leire Oskoz eta Olatz Ruiz de Larramendi.

Marie Goienetxe senpertarrak, aldiz, irabazi egin zuen Aurizperrin paletaz larruzko pilotarekin

Lau bikoteentzat lehen jardunaldia zen txapelketan eta markagailuko aldea dela eta, bikote irabazleetako pilotariek bosna puntu eskuratu dituzte eta galtzaile izan direnek, aldiz, zero puntu.

Murillok eta Marie Goienetxe senpertarrak bi jokoak irabazi zizkieten Purroy eta Sarasibarri larunbatean Aurizperrin.

Marie Goienetxe senpertarra garaile Aurizperrin

Egun bat lehenago, larunbatean Aurizperriko Ederrena pilotalekuan, elite mailako partidak paletaz jokatu zituzten, larruzko pilotarekin. Marie Goienetxe senpertarra Murillorekin aritu ziren eta bi jokoak irabazi zizkieten Purroy eta Sarasibarri (12-8 eta 12-5). Bertze partidan, hiru jokoak behar izan zituzten eta Nagore eta Zabalzak lehenengoa galdu arrenl hurrengo biak irabazi zituzten Salanuevaren eta Ruiz de Azuaren kontra.

Kirola Leitzaldea Xareta Leitza Senpere

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun