Sei gol eginez eta lider hasi du denboraldia Beti Gazteko futbol talde nagusiak

Nafarroako maila autonomikoan lehen garaipena lortu du Baztanek Giltxaurdin eta berdindu egin du Doneztebek; eskubaloian, kopan, irabazi egin dute Errekako gizonezkoek eta berdindu emakumeek

Ez du nolanahi hasi futbol denboraldia Lesakako Beti Gazteko talde nagusiak. Mastegin jokatutako partidan sei gol eginez garaipena lortu zuen eta Gipuzkoako ohorezko mailako lehen liderra da. Sei goletatik hiru taldean lehen partida ofiziala zuen Eloi Basse oronoztarrak egin zituen eta bi Jon Zabala arantzarrak. Nafarroako lehen maila autonomikoan ere garaipena lortu zuen Baztanek Giltxaurdin eta Doneztebek berdindu egin zuen. Eskubaloian, kopako partidan garaipen garbia lortu zuten Errekako gizonezkoek eta berdinketa emakumeek.