FUTBOLA

Beti Gazteko futbol talde nagusiak Lesakan hasiko du denboraldia igandean

Ttipi-Ttapa 2025eko irailaren 12a

Gipuzkoako ohorezko mailan bertze urte batez mantentzeko borrokan hasiko da Beti Gazteko futbol talde nagusia igandean Mastegin.

Nafarroako maila autonomikoan ere, lehen jardunaldian kanpoan aritu ondotik, etxean jokatuko dute Baztanek eta Doneztebek.

2025-2026 futbol denboraldia joan den asteburuan abiatu zen Nafarroako lehen maila autonomikoan. Etxetik kanpo aritu ziren Baztan eta Doneztebe eta, beraz, bigarren jardunaldi honetan, etxeko lehen partida jokatuko dute, baztandarrek larunbat arratsaldean eta doneztebarrek igande eguerdian. Lesakako Beti Gazteko talde nagusiak, berriz, denboraldiko lehen partida jokatuko du igande arratsaldean Mastegin, herriko zaleen aitzinean. Beraz, eskualdeko hiru talde nagusiek etxean izanen dituzte partidak asteburuan.

FUTBOLA

Nafarroako gizonezkoen lehen maila autonomikoan

Baztan KE – CD Lourdes, larunbatean 17:00etan Elizondoko Giltxaurdin.

Doneztebe FT – CD Lerines, igandean 12:00etan Doneztebeko Iñaki Indart zelaian

Gipuzkoako gizonezkoen ohorezko mailan

Beti Gazte – Deusto, igandean 17:30ean Lesakako Mastegin.

Nafarroako erregionaleko lehen mailan, Baztan B eta Aurrera irailaren 20an hasiko dira, Giltxaurdin jokatuko den derbiarekin eta Gure Txokoa ere, Gipuzkoako erregionaleko lehen mailan, irailaren 20-21eko asteburuan hasiko da Lasarten, Ostadar B taldearen kontra. Kategoria ttikiagoetako futbol taldeak ere ondoko asteetan hasiko dute denboraldia.

Kirola Baztan Bortziriak Malerreka Lesaka Doneztebe

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun