Denboraldiaurreko azken txanpan daude bi taldeak. Doneztebek, joan den urtean igoera lortu ondotik, Nafarroako maila autonomikako lehen jardunaldia iraileko lehen asteburuan jokatuko du. Zehazki, irailaren 6an, larunbatean 18:00etan jokatuko du Zangozan ligako lehen partida, Cantolagua taldearen kontra. Gipuzkoako Ohorezko mailan ari den Beti Gaztek, aldiz, astebete beranduago hasiko du denboraldia, etxean, Mastegin, Deusto taldearen kontra.
Ligan elkarren kontra jokatzerik ez badute ere, denboraldiaurrean klasikoa bihurtzen hasia da Beti Gazteren eta Donezteberen arteko lehia. Duela bi urte Donezteben aritu ziren eta joan den urtean Lesakan. Aurten, berriz ere Lesakan errepikatuko dute.