Azokaren lehen edizio honen helburua da, batetik, Nafarroako bertako arrazak eta haien euskarri diren landa eta abeltzaintza inguruneei balioa ematea, eta, bertzetik, Nafarroan egindako hurbileko produktuak, zuzeneko salmentako zirkuituak eta herritarren eta lehen sektorearen arteko topagune bat sortzeko apustu irmoa.
Programazioaren barrenean, hezkuntza eta dibulgazio jarduerak, herri lehiaketak, bertako arrazen dastatze eta erakustaldiak, haurrentzako jarduerak, hurbileko produktuen azokak… daude, eta irailaren 2an, 3an eta 4an aurretiko programa batekin hasi da, abeltzaintzari, biodibertsitateari, belaunaldi erreleboari eta elikadura subiranotasunari lotutako hitzaldi eta dibulgazio topaketez betea.
Bertako abere arrazak bereziki babestu beharrekoak dira, animalien ondare genetikoaren parte baitira eta, batez ere estentsiboan hazten direnez, landa-ingurunearen iraunkortasunari laguntzen diote.
Babestu eta sustatzen diren Nafarroako arraza autoktonoen artean, honako hauek daude: piriniar arrazako behia, betizua, Nafarroako kastako zezenketarako arraza, Jaca Navarra, Burgete eta pottoka arrazako zaldi aziendak; euskal txerria; latxa, Nafarroa eta sasi ardi arrazako ardi aziendak eta piriniar arrazako ahuntz aziendak.
