Gaurtik aitzinera, AEMETen eguraldi iragarpenaren arabera, tenperaturak goiti eginen du pixkanaka, eta maximoak 40 gradu zentigradu ingurukoak izanen dira; prezipitazioak, berriz, jaitsi eginen dira. Aurreikuspenen arabera, egoera hori datorren astearen erdialdera arte luzatuko da. Orduan, gaueko tenperatura maximoak ere igo eginen dira, eta, ondorioz, gauean hezetasuna gutxiago berreskuratuko da. Hori dela eta, arriskua handitu eginen da, berez handia bada ere, landaredia idor dagoelako dagoeneko.
Debekatuta dago, aldi baterako, deflagrazioak, txinpartak edo deskarga elektrikoak eragin ditzaketen jarduera jakin batzuk egitea
Nafarroako Gobernuak, Barneko Zuzendaritza Nagusiaren bitartez, gogorarazi du kontu handiz ibili behar dela datozen egunetan mendiko suteak sor ditzakeen edozein jarduera saihesteko, sute arriskua hagitz handia edo muturrekoa izanen baita Nafarroa osoan. Ildo horretan, Nafarroako Gobernuak Foru Agindu bat onartu zuen asteartean, lur urbanizaezinean deflagrazioak, txinpartak edo deskarga elektrikoak eragin ditzaketen jarduerak egitea debekatuz.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun