Erakusketa gune handia da Boiseko Expo Idaho. Eraikin nagusian, Azoka moduko bat antolatu zuten. Hainbat produktu desberdinak ikusteko eta erosteko aukera handia zegoen: liburuak, gazta, kamisetak, esku-lanak... Euskal artzainak aunitz bizi izan ziren Carro Camp bezala ezagutzen ziren oinarrizko kanpamenduetan eta horiek ikusteko eta barrenera sartzeko jarri zituzten. «Hunkigarria izan zen», aipatu digu Maite Goizueta Iaben berriemaileak.
Boiseko St. John’s katedralean meza jendetsua ere izan zuten
Arratsaldean, berriz, Boiseko Saint John’s Katedralean meza izan zuten. Urtero egiten dute San Inazioren omenez. Boiseko Oñati dantzariak dantzatu zuten, bai katedralaren kanpoan, baita aldarean ere. Jendetza bildu zen meza entzuteko. Lekurik ez zegoenez, katedraleko azpiko solairu bat egokitu zuten, pantaila handi bat eta aulkiak jarriz, meza entzun nahi zuten lagun aunitz kanpoan ez gelditzeko.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.