Boise hirian gero eta gipuzkoar gehiago daude. Horietako batzuk, Aritz Maillo arrasatearrak bultzatuta, Txuriurdin Amerikanuak Peña sortu dute, Donostiako Real Sociedad futbol taldearen zaleak biltzen dituena. Maite Goizueta berriemaileak aipatu digunez, uztailaren 31n, Boiseko Unibertsitatean, Zuhaitz Gurrutxaga umoregile, telebista aurkezle eta Real Sociedad futbol taldeko jokalari ohiak aurkeztu zuen AEBn dagoen Errealeko Peña bakarraren inguruko dokumentala, bere betiko umore ukituarekin.
Ekitaldiaren amaieran, ZORTZIAK 1 izena duen Errealeko kamiseta bat oparitu dio elkarte horretako arduradunetako bati (John Bieter). Grabaketa egiten ari zirenean, Boiseko alkateak harrera egin zien Herriko Etxean Zuhaitz Gurrutxagari eta Xabi Prietori, errealeko jokalari ohiei.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.