Xuban Iturregi iruritarra eta David Mitxeo doneztebarra Matxin III.aren eta Barricarten kontra ariko dira
Nafarroako erremonte profesionaleko hogeigarren txapelketa abuztuaren 2an, larunbatean 18:00etan abiatuko da Sartagudan, gazteen eta beteranoen arteko norgehiagoka batekin. Lehen aldiz lehen mailako txapelketa batean ariko den Xuban Iturregi iruritarra eta David Mitxeo doneztebarra, Matxin III.aren eta Barricarten kontra ariko dira.
Lehen partidako lau protagonistak eskualdeko pilotariak izanen dira: Jon Sagaseta iruritarra eta Markel Leatxe donamariarra, Koteto Ezkurra III.a doneztebarraren eta Mikel Mikelarena oiztarraren kontra ariko dira.
Txapelketako jaialdi guztiak bezala, hau ere ADANO elkartearen aldekoa izanen da. 22 urtez goitikoek hamar euroko sarrera-dohaintza eginen dute, 16 eta 22 urte artekoek bortz eurokoa eta ttikiagoak doan sartuko dira.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.