Unai Hualdek Boiseko Basque Museum/Euskal Museoan elkartu zen Patty Miller andrearekin. Urte asko igaro ditu bertako zuzendaritza lanetan, hala nola laguntzak lortzen proiektuarekin aitzinera segitzeko. Unai Hualdek Nafarren aztarna Far Westen liburuaren ale bat eskura eman zion. Hualdek bere kabineteko burua den Carlos Perez eta EHUko irakasle eta ikerlari den Asier Barandiaran izan zituen ondoan.
Bere agendan bertze betebehar bat ere izan zuen Unai Hualdek. Boiseko Unibertsitatean Euskal Herriaz eta euskal kulturari buruzko sinposiumean parte hartu zuen. Nafarroako Gobernuak nafarren diasporaren inguruan egin duten lana ezagutzera eman zuen, baita aurrerantzeko proiektuen berri eman ere.