Uztailaren 29an, asteartean, goiz partean, gizonezkoen eta emakumezkoen pilota partidak jokatu zituzten, paletaz, eta arratsaldeko zortzi orenetan, Boisen oso ezaguna den Pengilly’s' Saloon ostatuan, Euskal Herriko Trikkilintxo taldeak jo zuen, bertan giro ederra sortuz.
Jatorriz euskaldunak ez diren lekuetan ere errespetu handia dute Euskal Herriari eta euskal jendeari. Maite Goizuetak dioenez, «Beside Bar De Nay ostatuko arduradunak esan zigun asmoa zuela euskara ere erabiltzeko, Karta/Menua, euskaraz ere jarriko zuela. Itzulpenen zain zegoen». Hitza hitz, «gaur ikusi dugu ohar desberdinetan euskara erabili duela!».
Boiseko jaialdi nagusia bortz urtetik behin egin ohi da, nahiz eta, pandemia zela eta, azkenekoa duela hamar urte egin zen. Halere, euskaldunek urtean behin Pic-Nic ere egiten dute euskaldunak biltzen diren hainbat lekutan, gehienetan aste bukaerak izaten dira.