‘Zortziak Bat’ izeneko euskal diaspora eta kultura adierazpenei buruzko nazioarteko sinposioa egiten ari dira egunotan, uztailaren 30ean eta 31n, Boiseko unibertsitatean, ‘Rowing Together/Elkarrekin arraunean’ goiburupean. Zehazki Boise State University Micron Business and Economic Building izeneko eraikinean ari dira eta anfitrioia The Basque Studies Micron Foundation INC da. Maite Goizueta berriemaileak ateratako argazkietako batean ageri denez, fundazio horretako ohorezko pertsonen artean euskaldun jatorrikoak ere badira: Argintxonatarrak, Elorriagatarrak, Murelagatarrak…
Batzuk sinposio horretan parte hartzen duten bitartean, bertze batzuk Boiseko bertze eraikin ezagunak ikusteko eta bisitatzeko ere aprobetxatu dute: Boiseko Kapitolioa (atarian Palestinaren aldeko elkarretaratzea egiten ari ziren), Boise Central Arena…
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.