Atzo jokatu zituzten sanferminetako erremonte txapelketa nagusiko finalerdietako bigarren partidak. Lehen mailan, Uterga eta Barricartek 35-32 irabazi zuten Otxandorena eta Ionen aurka. Promozio mailan, Osesen azken orduko bajak baldintzatu zuen norgehiagoka. Baztanek osatu zuen bikotea Leatxerekin eta 18 eta 35 galdu zuten Sagasetaren eta Ilarregiren kontra. Beraz, Uterga eta Barricart eta Otxandorena eta Ionek eskuratu zituzten gaur arratsaldean jokatuko dituzten finaletarako txartelak.
Eskualdeko ordezkariak finaletan
Uztailaren 11n, ortziralean 17:00etan hasiko den jaialdian jokatuko dituzte promozio mailako eta lehen mailako finalak. Baztandarren arteko lehia polita ikusteko aukera izanen da promozio mailako finalean. Xuban Iturregi iruritarrak eta Mikel Mikelarena oiztarrak,, Jon Sagaseta iruritarra eta debuta egin duen Xuban Ilarregiren kontra ariko dira. Lehen mailako finalean, berriz, Doneztebeko bi jokalari ariko dira: Zeberio II.ak eta Mitxeok, Barricart eta Xanti Uterga izanen dituzte aurkari.
Jaialdi bakoitzeko sarrera-dohaintza 10 eurokoa izanen da 22 urtetik goitikoentzat eta 5 eurokoa 16 eta 22 urte artekoentzat, haurrak doan sartuko dira.