Atzo jokatu zuten laxoa txapelketa azken final laurdena, eta beraz, dagoeneko argitu da zein lau talde ariko diren final erdietan. Oiz Aren eta Doneztebe Titiren arteko partida jokatu zuten eta azkenerako Oizko taldea nagusitu zen 9-6ko emaitzarekin.
Lehenengo finalerdian derbia jokatuko dute, Oiz B taldea Oiz Aren kontra ariko baita. Bigarrenean, berriz, Arraioz Sagardia eta Doneztebe The Moment taldeak ariko dira elkarren kontra.
Oraindik ez dute jakinarazi noiz izanen diren finalerdiak, baina dagoeneko jakina da finaleko bi taldetako bat Oizkoa izanen dela. Finala, abuztuaren 2an eginen dute.
Finalerdietako datak heldu den egunetan jakinaraziko dituzte.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!