POCTEFA Larhun-E mugaz gaindiko proiektuaren barrenean antolatu dute erakusketa eta helburua Larhun inguruko lankidetza ezagutaraztea da. Atzo egin zuten ekitaldian elkartu ziren Berako alkate Aitor Elexpuru, Sarako Batti Laborde eta Azkaineko Jean Louis Fournier.
Unaia Larraia eta Iñako Redin argazkilariek ateratako 20 irudik osatzen dute erakusketa. Irudi horietan Larhun mendiak ingurumenari, kulturari eta artzaintzari dagokienez duen aberastasuna ikusten da. Irudi horiekin batera POCTEFA La Rhun-E proiektuak bultzatutako ekintza garrantzitsuenak azaltzeko hainbat panel paratu dituzte: kontserbazio ekintzak, kudeaketa partekatuaren bidezkoak eta ingurumenari buruzko sentsibilizazioa bilatzen duten ekintzak.