Eskualdeko esku pilotari guztiak urrezko dominarekin bueltatu dira Valladolidetik
Eskuz binaka, infantil mailako mutikoetan, Oihan Braña iruritarra, Erik Igoa etxalartarra eta Mikel Iñarrea izan dira Nafarroako pilotariak. Lehen jardunaldian Brañak eta Igoak 2-0 (8-2 eta 8-3) irabazi zieten Aragoiko Colasi eta Conderi. Bigarren jardunaldian, Iñarreak eta Igoak 2-0 (8-4 eta 8-1) irabazi zieten Kataluniako Ibañezi eta Irazolari. Finalerdietan, Brañak eta Iñarreak 2-0 (8-2 eta 8-2) irabazi zieten Euskadiko Biani eta Zannoutiri eta finalean, Brañak eta Igoak 2-0 (8-5 eta 8-1) irabazi zieten Gaztela eta Leongo Vicenteri eta Hernandezi.
Eskuz binaka, infantil mailako nesketan, Joana Iratzoki igantziarra, Alize Sagardui goizuetarra eta Uxue Gomez aritu ziren Nafarroako ordezkari. Lehen jardunadian, Gomezek eta Iratzokik 2-0 (8-1 eta 8-2) irabazi zieten Kataluniako Rodriguezi eta Badjieri. Bigarren jardunaldian, Sagarduik eta Iratzokik 2-0 (8-4 eta 8-2) irabazi zieten Errioxako Manerori eta Fernandezi. Finalean, Sagarduik eta Iratzokik 2-0 (8-2 eta 8-1) irabazi zieten Errioxako Maneriri eta Valgañoni.
Eskuz binaka, kadete mailako mutiletan, Iker Anzizar doneztebarra, Julen Bengoetxea eta Abraham Antimasberez izan ziren Nafarroako pilotariak. Lehen jardunaldian, Bengoetxeak eta Anzizarrek 2-0 (10-3 eta 10-4) irabazi zieten Kataluniako Vegari eta Martinezi. Bigarren jardunaldian, Antimasberesek eta Compainsek 2-0 (10-2 eta 10-5) irabazi zieten Euskadiko Murgiari eta Arroyori. Finalean, Antimasberesek eta Anzizarrek 2-0 (10-9 eta 10-3) irabazi zieten Errioxako Tuestari eta Ruizi.
Eskuz binaka, kadete mailako nesketan, Iraide Iriarte eta Nahia Bertiz sunbildarrak eta Maria Crespo izan ziren Nafarroako pilotariak. Lehen jardunaldian, Iriartek eta Crespok 2-0 (10-8 eta 10-2) irabazi zieten Kataluniako Paxi eta Leoni. Bigarren jardunaldian, Iriarte eta Bertiz sunbildarrek 2-0 (10-6 eta 10-6) irabazi zieten Euskadiko Fernandez de Barrenari eta Ugalderi. Hirugarren jardunaldian, Iriartek eta Crespok 2-0 (10-2 eta 10-2) irabazi zieten Gaztela eta Leongo Castillori eta Pequeri. Finalean ere Sunbillako bikotea aritu zen Nafarroako ordezkari eta Iriartek eta Bertizek 2-0 (10-4 eta 10-4) irabazi zieten Euskadiko Fernandez de Barrenari eta Ugalderi.
