Herriarteko pilota txapelketa nagusiko finalaren bila ariko dira larunbatean Doneztebe eta Leitza

Doneztebek Irurtzun izanen du arerio larunbat goizean (11:00) eta Leitzak Lizarra arratsaldean (17:00)

Nafarroako herriarteko pilota txapelketa nagusiko finalerdiak jokatuko dituzte ekainaren 28an, larunbatean, Iruñeko Labrit pilotalekuan. Doneztebe eta Irurtzunen arteko lehian, Malerrekakoek abantaila hartu dute, kadete mailako partida asteazkenean jokatu baitzuten eta Fagoagak eta Anzizarrek 22-11 irabazi zioten Irurtzungo bikoteari. Bertze bi partidak, jubenil eta senior mailakoak, larunbatean 11:00etan hasita jokatuko dituzte. Leitza eta Lizarraren arteko finalerdiko hiru partidak, berriz, larunbatean 17:00etan hasita jokatuko dituzte.