Nafarroako Gobernuaren esku dagoen Miguel Indurain Fundazioak Nafarroako 169 kirolariri eman dizkie aurten bekak, 2024an lorturiko emaitzak direla eta. Denera, 336.700 euro banatu ditu ekainaren 24an Iruñeko Navarra Arenan egin den ekitaldian. Miguel Indurain bera izan zen ekitaldian, baita Rebeca Esnaola, Nafarroako Gobernuko Kultura, Kirola eta Turismo kontseilaria ere.
Eskualdeko kirolariei dagokienez, programa olinpikoaren barrenean, Aresoko Adur Etxezarreta Rezola eskiatzaileak 8.176 euro hartu ditu.
Euskal pilota programan, esku pilotan, Oian Canabal Etxarte igantziarrak 677 euro hartu ditu, Unax Apeztegia Bidegain elizondoarrak (sub22) 903 euro, Nahia Bertiz Babaze sunbildarrak (sub22) 565 euro eta Goiuri Zabaleta Rodriguez leitzarrak (sub22) 565 euro.
Herri Kirol programan, Beti Gazte sokatira taldeko kideak izan dira beka gehien hartu dutenak. Honela, 338na euro jaso dituzte Iñigo Altzugarai Legazkue, Mikel Apeztegia Mendiberri, Ainhoa Etxegarai Elgorriaga, Irantzu Goienetxe Batiz, Ane Gurrutxaga Errandonea, Unai Gurrutxaga Errandonea, Amaia Igarzabal Leiza, Maddalen Lopez Tapia, Ander Mitxelena Diaz, Karmelo Mitxelena Mitxelena, Jose Angel Mitxelena Mitxelena, Beñat Ordoki Telletxea, Julen Palenzuela Etxepare, Karmele Pikabea Baleztena, Eneko Saldias Otxotorena, Pascual Taberna Zubiria, Gerardo Telletxea Aizpuru, Oskar Telletxea Martiarena, Ainhoa Ubiria Sarasola, Maria Iantzi Irigoien eta Beñardo Iantzi Mitxelena tiralariek. Hauetaz gain, Dario Trantxe Urtasun elizondoarrak (ingude altxatzea) eta Unai Iantzi Maritorena aniztarrak (koxkor biltzea) 263na euro hartu dituzte.
