Nafarroako herriarteko pilota txapelketako final laurdenak jokatuko dituzte asteburu honetan. Herriarteko txikiari dagokionez, ekainaren 13an, ortziralean 16:30ean hasita, Ultzama eta Donezteberen arteko norgehiagoka izanen dute Larraintzarren. Ekainaren 14an, larunbat goizean, 10:00etan hasita Baztanen eta Leitzaren arteko lehia izanen dute Elizondoko Baztan pilotalekuan eta ordu berean, Bera eta Lesaka izanen dira aurrez aurre Berako Eztegara pilotalekuan. Larunbatean, 11:00etan, Goizueta eta Arbizu nor baino nor gehiago ariko dira Goizuetan.
Herriarteko handian Leitza eta Doneztebe aurrez aurre
Herriarteko handian ere jardunaldia izanen dute asteburu honetan. Eskualdeko taleei dagokienez, Leitzaren eta Donezteberen arteko lehia izanen dute ekainaren 15ean, igandean 11:00etan hasita Leitzako Amazabalen.