Baztan-Errekako 45. Laxoa Txapelketako zazpigarren jardunaldiko bi partida jokatuko dituzte aste hondarrean. Ekainaren 13an, ortziralean 17:00etan hasita, Irurita Migelene eta Doneztebe The Moment izanen dira aurrez aurre Iruritan eta ekainaren 14an, larunbatean 17:00etan, Doneztebe Menditxuri eta Oiz B, Doneztebeko Bear-Zanan. Oiz A eta Arraioz Sagardia taldeek jokatu beharreko partida gibeleratu dute eta Doneztebe Titi taldeak atseden izanen du.
Joan den asteburuan jokatutako seigarren jardunaldian, txapelketako lehen partuda galdu zuen Arraioz Sagardiak Oizen, baina halere, lider segitzen du. Bortz partidetan 11 puntu lortu ditu. Bederatzina punturekin berdinduak daude Doneztebe The Moment, Oiz A eta Oiz B, baina talde honek partida bat guttiago jokatu du.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.