Beti Gaztek txapelketa bikaina egin zuen eta lehen fasean, jokatutako sei partidetatik bortz irabazi eta bertzea berdindu egin zuen, sailkapeneko lehen postua eskuratuz. Honela, lehen fasean laugarren izan zen Baztanen kontra jokatu zuen finalerdia eta 2-1 irabazi zuen Lesakako taldeak. Bertze finalerdian, lehen faseko bigarrena eta hirugarrena, Mondarrain eta Doneztebe aritu ziren nor baino nor gehiago eta Lapurdiko taldea nagusitu zitzaion Malerrekakoari.
Final nagusian, azkenik, Beti Gaztek 2-0 irabazi zion Mondarraini eta hirugarren posturako lehian, Doneztebek 1-0 irabazi zion Baztani.
