Doneztebeko bikoteak irabaztea edo, galduta ere, 31 tanto egitea aski izanen du lehen faseko lehen postua eskuratzeko. Zeberiok eta Barricartek garaipena behar dute finalerdietako txartela segurtatzeko. Bertzela, txartel hori lehen faseko jardunaldian jokoan izanen lukete Beran ekainaren 14an, Sagasetaren eta Ionen kontrako partidan.
Lehen partidaren ondotik omenaldia Beti Onak eskubaloi taldeari
Jaialdia hasteko partidan, Eloy Otxandorena eta Mikel Mikelarena oiztarra, Jon Sagaseta iruritarraren eta Ionen kontra ariko dira. Bi partiden artean, omenaldia eskainiko zaio Beti Onak eskubaloi taldeari. Atarrabiako taldeko emakumeek Iberdrola liga jokatu dute aurten eta Erreginaren Kopako finalera ere ailegatu dira. Honela, lehen aldiz Europako txapelketa batean, European Cup txapelketan, parte hartzeko eskubidea izanen dute
Sarrerako dohaintza 10 eurokoa izanen da, 5 eurokoa 16 eta 22 urte artekoentzat eta doan 16 urtetik behetikoentzat. Bildutako guztia ADANO elkartera bideratuko dute. E•Remonte enpresako erremontisten bi kamiseta ere zozketatuko dituzte.