Doneztebe Futbol Taldeko jubenilek ere mailaz igotzea lortu dute

Ttipi-Ttapa 2025ko eka. 2a, 08:00

Doneztebe futbol taldeko jubenilek mailaz igotzea lortu dute. Lakuntzan 3-0 galdu ondotik, Donezteben 4-1 irabazi zioten Lagun Artea taldeari eta lehen fasean lehenbizikoak izateari esker, lehen mailara igoko dira.

Baztan eta Beti Gazteko neska kadete-infantilen arteko kopako finalerdian, lesakarrek penaltietan lortu zuten finalerako txartela eta futbol 8ko lehen urteko alebinetan, Beti Gazte izan da Nafarroako txapeldun

Maiatza eta ekaina lotzen dituen asteburuan denboraldiko azken partida jokatu eta galdu du Baztan futbol talde nagusiak Giltxaurdin. Honenbertzez, futbol talde nagusiei dagokienez kitto egin du sasoiak. Jubenil mailan, Lakuntzatik zekarren emaitza txarra (3-1) irauli eta lehen mailara igotzea lortu du Doneztebe Futbol Taldeak. Kopan, aldiz, Baztan kanporatu dute. Kadete mailan, Gorengoen mailatik jausteko kanporaketa galdu du Gure Txokoak eta, hortaz, lehen mailan ariko da datorren denboraldian. Doneztebeko kadeteak ere kopatik kanpo gelditu dira. Neska kadete-infantilen kopako finalerdian bana berdindu zuten Baztanek eta Beti Gaztek Giltxaurdin, baina lesakarrak penaltietan gailendu ziren eta Faltzesko finalean izanen dira. Futbol-8an denboraldia bukatzeko azken faseak jokatu dituzte alebin eta benjamin mailan eta tartean ziren eskualdeko zenbait talde ere. Lehen urteko alebinetan Beti Gaztek lortu du Nafarroako txapeldun izatea.

FUTBOLA

Gizonezkoen Nafarroako lehen maila autonomikoan

Baztan KE 1 (Jabier Urrutia) – CD Ondalan 3

Nafarroako mutil jubenilen bigarren mailako igoera fasea bigarren kanporaketa

Doneztebe FT 4 (Koteto Ezkurrak 2, Eki Erasun eta Izei Astibia) – Lagun Artea 1. Joanekoan 3-0 galdu zuen Doneztebek, baina markagailua irauli eta mailaz igoko dira doneztebarrak.

Nafarroako mutil jubenilen bigarren mailako kopako final laurdenak

CD Valle de Egues 3 - Baztan B 0 (Baztan kanporatua).

Gipuzkoako mutil kadeteen gorengoen mailatik jausteko kanporaketa, itzulerakoa

Gure Txokoa A 0 – Danena 1 (joanekoan ere 3-1 galdu zuen Gure Txokoak, beraz maila galduko dute beratarrek).

Nafarroako mutil kadeteen bigarren mailako kopako final laurdenak

CD Asdefor B 4 - Doneztebe FT 2 (Jon Larunbe eta Aimar Etxeberria). Doneztebarrak kanporatuak.

Nafarroako neska kadete-infantilak kopako final erdiak

Baztan KE 1 (Irati Maiora) – Beti Gazte 1 (Jare Arburua). Penaltietan lesakarrek lortu zuten finalerako txartela.

FUTBOL 8

Nafarroako lehen urteko alebinak azken fasea Tafallan

Finalerdiak

Peña Sportf FC C 5 – Baztan KE B 2 (Jokin Ramirez eta Jon Ander Jaen)

Beti Gazte B 4 (Ioritz Madariaga, Mikel Garcia, Aritz Gerometta eta Jon Almandoz) – CD San Adrian B 0

Finala

Peña Sport 1 – Beti Gazte 11 (Jon Almandozek 3, Ioritz Madariagak 4, Aritz Geromettak 2, Ugaitz Canal eta Oihan Iturbide)

Beti Gazteko lehen urteko alebinak Nafarroako txapeldun izan dira.

Nafarroako bigarren urteko benjaminen azken fasea Caparroson

CF Gazte Berriak Ansoain B 5 – Doneztebe FT A 0

Doneztebe FT A 1 (Oier Bazterrika) – CD San Adrian A 3

CD Tudelano A 3 – Doneztebe FT 0

Baztan KE B 0 – CD Oberena A 6

Baztan KE B 0 – CD Murchante 1

CD Azkarrena 5 – Baztan KE B 1 (Endika Larraioz)

Nafarroako lehen urteko benjaminen azken fasea Tafallan

Finalerdia

Gure Txokoa B 1 (Ibai Pando) – CD Arenas C 6

Kirola Baztan Bortziriak Malerreka Elizondo Bera Lesaka Doneztebe

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun