Ezkurra II.a-Juanenea eta Ansa II.a-Zubiri Sagardoaren txapelketako finalerdirako txartelaren bila lehiatuko dira gaur

Ttipi-Ttapa 2025ko eka. 3a, 09:30
Deskargatu Info Ahotsak :
Español English Français Català Galego

Aritz Juaneneak, Josetxo Ezkurra II.ak, Aritz Zubirik eta Ansa II.ak joan den ortzegunean bereizi zituzten gaurko partida garrantzitsurako pilotak.

Urriza eta Larrañaga 2025eko Sagardoaren Txapelketako Erremontari saioko final handirako sailkatuak dira dagoeneko. Kemen Aldabek eta Endika Barrenetxeak (Oialume Zar), berriz, txapelketako finalerdia jokatuko dute, eta Josetxo Ezkurrak eta Aritz Juaneneak (Bereziartua) eta Imanol Ansak eta Aritz Zubirik (Aburuza) izanen dute jokoan, playoff-ean, torneoko finalaurrekoko bertze postua ekainaren 3an.

Playoff-eko partida, beraz, gaur, asteartea, ekainak 3, 18:00etan hasiko den jaialdian jokatuko dute Galarretan Bereziartua sagardotegiaren izenean ari diren Josetxo Ezkurra II.a doneztebarrak eta Aritz Juanenea saldiastarrak, Aburuza sagardotegiaren izenean ari diren Ansa II.aren eta Aritz Zubiri goizuetarraren kontra.

Partida honetako irabazleak Aldaberen eta Barrenetxea IV.aren kontra (Oialume Zar)  jokatuko dute finalerdia eta finalerdiko irabazleen esperoan daude finalerako zuzenean sailkatutako Urriza eta Larrañaga (Petritegi).

Kirola Leitzaldea Malerreka Goizueta Doneztebe Saldias

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!