Hamar tanto gibeletik izan baziren ere, azkenean 35-29 irabazi zieten Otxandorenari eta Otanori
Izan ere, partida hasieran urdinak gehiago izan ziren eta hamar tantoko aldea ere izan zuten (3-13), Otxandorenaren joko bikainari esker. Baina bederatzi tanto gibeletik zirela (11-20) etorri zen gorrien suspertzea eta hogeita binako berdinketaren ondotik, 26-22 aitzinetik ere paratu ziren Uterga eta Mitxeo. Azkenean, sei tantoko aldearekin irabazi zuten eta sailkapen buruan bakarrik gelditu dira, 12 punturekin.
Jaialdia hasteko partidan, lau erremontistak eskualdekoak ziren: Xuban Iturregi iruritarrak eta Markel Leatxe donamariarrak 30-18 irabazi zieten Jon Sagaseta iruritarrari eta Mikel Mikelarena oiztarrari.