Bi bikoteek bina partida jokatu dituzte txapelketa honetan eta biak irabazi dituzte. Zortzina punturekin sailkapen buruan daude berdinduta eta, beraz, irabazten duenak lehen postuan bakarrik gelditzeaz gain, ligaxka lehen postuan akitzeko urrats handia emanen du
Jaialdia hasteko partidan, lau erremontistak eskualdekoak izanen dira: Xuban Iturregi iruritarra eta Markel Leatxe donamariarra, Jon Sagaseta iruritarraren eta Mikel Mikelarena oiztarraren kontra ariko dira.
Sarrerako dohaintza 10 eurokoa izanen da, 5 eurokoa 16 eta 22 urte artekoentzat eta doan 16 urtetik behetikoentzat. Bildutako guztia ADANO elkartera bideratuko dute. E•Remonte enpresako erremontisten kamisetak ere zozketatuko dituzte.