Bi lehenbiziko fasetako emaitzak kontuan hartuta, Nafarroako Kirol Jokoen eskuz binakako nesken arteko pilota txapelketako finalak jokatuko dituzte maiatzaren 17an, larunbat arratsaldean Iruñeko Labrit pilotalekuan.
Alebin mailan, Arkupeko Ainara Hita igantziarrak eta Eneritz Muñoa lesakarrak 18-12 irabazi zieten Ados elkarteko Nerea Altxu eta Alaitz Aioroa iturendarrei.
Infantil mailan, Arkupeko Nahia Almandoz eta Joana Iratzoki igantziarrek 18-14 irabazi zieten Ados Pilotako Ane Deskarga iturendarrari eta Aiora Baleztena etxarrendarrari.
Kadete mailan, azkenik, Umore Onako Alize Sagardui goizuetarrak eta Araitz Legarreta aranoarrak 22-16 irabazi zieten Oberenako Gomezi eta Crespori.