Euskal Jai Berri Erremonte Fundazioak antolatutako Udaberriko Erremonte Profesionaleko Txapelketa-2025eko Microlan Aerospace Sari Nagusiaren hirugarren jardunaldia jokatu zuten larunbatean Zizur Nagusian. Xanti Uterga eta David Mitxeo doneztebarrek 35-31 irabazi zieten Jon Sagaseta iruritarrari eta Ioni. Bigarren garaipena da Doneztebeko bikotearentzat.
Partida hagitz berdindua izan zen eta lau erremontistak maila onean aritu ziren. Hainbat berdineta izan ziren, azkenekoak 28-28 eta 29-29, baina azken txanpan hobeki moldatu ziren gorriak. Utergak 22 tanto egin zituen, Ionek 15, Sagasetak 10 eta Mitxeok 8.
Lehen partidan, Zeberio II.ak eta Baztanek 30-23 irabazi zieten Xuban Iturregi iruritarrari eta Markel Leatxe donamariarrari.