Nafarroako Gobernuko Lurralde Kohesiorako Departamentuak, Herri Lan eta Azpiegituren Zuzendaritza Nagusiaren eta Toki Administrazioaren eta Despopulazioaren Zuzendaritza Nagusiaren bitartez, 6 milioi euro inbertituko ditu Lesaka, Almandoz, Esa, Arazuri, Urroz-Hiria, Olejua eta Berako zeharbideak berritzeko.
Zehazki, Lurralde Kohesiorako Departamentuak 576.435 euro bideratuko ditu Lesakako zeharbidea berritzeko, 755.304 euro Almandozeko zeharbidea berritzeko, 799.671 euro Esarako, 571.221 euro Arazurirako, 405.075 euro Urroz-Hiribildurako, 516.734 euro Olejuarako eta 1.196.813 euro Berarako.
Zeharkaldietako jarduketak
Hitzarmen horietan jasotako esku-hartzeen artean daude zorua berritzea, espaloiak handitu eta egokitzea, drainatzea hobetzea eta zerbitzu- eta argiteria sareak modernizatzea. Hori guztia, azpiegitura horiek egungo mugikortasun eta irisgarritasun-beharretara egokitzeko.
Zehazki, udalekin sinatutako akordioei esker, Lesakako zeharbidearen zoladura eta urbanizazioa hobetu ahal izanen dira; Almandozeko bide-zorua berritu eta sarbideak egokitu ahal izanen dira; Esako oinezkoen segurtasuna eta irisgarritasuna hobetzeko jarduerak egin ahal izanen dira; Arazuriko hiri zatia berrurbanizatu ahal izanen da azpiegiturak berrituz; zeharbidea osorik eraberritu ahal izanen da Urroz-Hiribilduan oinezkoentzako espazio berriekin; Olejuako herriguneko mugikortasuna optimizatzeko esku hartzeak egin ahal izanen dira; eta Berako Eztegara-Altzate tartean zeharbidea berrurbanizatu ahal izanen da.
Ekimen horiek Nafarroako Gobernuaren estrategiaren parte dira, udalerriei azpiegitura moderno eta eraginkorrak emateko, gure udalerrietako mugikortasuna hobetzeko jarduerak bultzatuz, betiere segurtasun, irisgarritasun eta jasangarritasun irizpideekin.