Iruñeko Alde Zaharreko erremonte txapelketaren hamaikagarren edizioko finalak jokatu zituzten apirilaren 4an, ortzirale arratsaldean Iruñeko Labrit pilotalekuan. Maila nagusikoan, Matxin III.ak eta Ionek 35-ee irabazi zieten Xanti Uterga doneztebarrari eta Barricarti.
Partida lehiatua izan zen. 13-13 berdinketaren ondotik, aitzinetik izan ziren Uterga eta Barricart, zazpi tantoko aldearekin (22-15, 23-18), baita zortzikoa ere (28-20). Baina azken txanpan gipuzkoarrak suspertu ziren, markagailuan bi tantora hurbilduz (28-26, 29-27, 30-28, 32-30). 33-30 irabazten izan ziren Uterga eta Barricart, baina azken bortz tantoak segidan egin zituzten Matxin III.ak eta Ionek, txapela janzteko.
Aitzinetik, jaialdiko lehen partidan jokatu. zuten promozio mailako finaleko lau erremontistak eskualdekoak ziren: Jon Sagaseta iruritarrak eta Markel Leatxe donamariarrak 35-33 irabazi zieten Xuban Iturregi iruritarrari eta Mikel Mikelarena oiztarrari. Hauek ere partida berdindua eskaini zuten hainbat berdinketa izan zituena.
