Emakume Master Cupeko eskuz binakako txapelketako txapelak jokoan izan zituzten igandean Oiartzungo Madalensoro pilotalekuan. Elite mailan, ezustea eman eta Mirian Arraizak eta Enara Gamindek 22-18 irabazi zieten Olatz Arrizabalagari eta Arrate Bergarari, final lehiatu batean. Beraz, ezin izan zuen binakako seigarren txapela jantzi Arrizabalagak. Arratsaldean, berriz, promesa mailako fnalean, Alize Sagardui goizuetarrak eta Nahia Bertiz sunbildarrak 18-17 irabazi zieten Olatz Insaustiri eta Irati Betegiri.
Gazte mailan, Ahinitze Arratibelek eta Larraitz Galardik 18-13 irabzi zieten Nahia Sorondori eta Arhane Reyri.
