Gipuzkoarrak hobekiago sartu ziren finalerdian eta 12-7 aitzinetik paratu ziren. Mitxeo jokoan bikain sartzen hasi zen eta markagailuan hurbiltzea lortu zuten doneztebarrek, baita berdintzea ere (20-20 eta 21-21). Horiek izan ziren azken berdinketak, zazpi tanto segidan egin baitzituzten Matxin III.ak eta Ionek eta alde horri eutsi ez ezik, handitu egin zuten partida akabaila arte.
Promozio mailako finalerdian, berriz, Jon Sagaseta iruritarrak eta Markel Leatxe donamariarrak 35-25 irabazi zieten Osesi eta Agirrezabalari. Ligaxkako partidan baino errazago nagusitu ziren Sagaseta eta Leatxe. Hortaz, promozio mailako finaleko lau erremontistak eskualdekoak izanen dira: Xuban Iturregi iruritarra eta Mikel Mikelarena oiztarra ariko dira Jon Sagaseta iruritarraren eta Markel Leatxe donamariarraren kontra.