Joan den larunbatean, martxoaren 22an, jokatu zituzten herrialdez herrialdeko kanporaketak. Nafarroa Garaiko kasuan, Iruñean izan zuten hitzordua, eta guztira 180 bikote aritu ziren musean, tartean, eskualdeko 47.
32 bikotek lortu dute Euskal Herri mailako final nazionalera sailkatzeko txartela, eta horietako bortz eskualdekoak dira:
- Xuban Bengoetxea eta Aimar Rekarte (Erratzu)
- Jon Dozagarai eta Aintzane Telleria (Arraioz)
- J. Manuel Zabaleta eta J. Miguel Gonzalez (Leitza)
- Julen Urdangarin eta Imanol Ugaldebere (Lesaka)
- Joseba Berho eta Aitor Beorlegi (Oronoz-Mugairi)
Final nazionala Araban izanen da, Zigoitian, apirilaren 5ean eta zazpi herrialdeetako 128 bikotek jokatuko dute.
Sariak
- Txapeldunak: txapela, garaikurra, 3.000 euro eta Karibera bidaia lau lagunentzat, dena barne.
- Txapeldunordeak: garaikurra, 1.500 euro eta bi lagunentzat Karibera bidaia, dena barne.
- Hirugarren bikote sailkatua: 750 euro eta asteburuko egonaldia lau lagunentzat.
- Laugarren bikote sailkatua: 500 euro eta euskaraz ikasteko urte osorako bi matrikula.
- 5.etik 8.era sailkaturiko bikoteentzat: 250 euro.
- 9.etik 16.era sailkatutako bikoteentzat: 100 euro.