Ortziralean 20:00etan hasiko den jaialdiko bigarren partidan jokatuko dute binakako finala, Iturriaga eta Elizalde gibelean dituztela
Garfe enpresak antolatutako Plis-Plas Kopako lehen edizioko finalak jokatuko dituzte martxoaren 28an, ortziralean 20:00etan Iruñeko Labrit pilotalekuan hasiko den jaialdian. Binakako finalean, jaialdiko bigarrenean, Oian Canabal igantziarra eta Iturriaga, Ugaitz Elizalde iturendarraren eta Azpirozen kontra ariko dira. Aitzineko koadroetan, beraz, eskualdeko pilotarien arteko lehia izanen da.
Aitzinetik, buruz buruko finala jokatuko dute Lerenak eta Igoak. Hirugarren partida bat ere jokatuko dute, binakako finalaren ondotik: Labaka eta Arbizu, Victor eta Merino II.aren kontra ariko dira.
Jaialdirako sarrerak eskura daitezke Garfe enpresaren webgunean.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!