Joan den larunbatean erremonteko Berria txapelketako finalerdia galdu zuen Aritz Zubirik, beraz, ez da goizuetarren arteko finalik izanen. Baina batek oraindik finala jokatzeko aukera izanen du. Oier Apezetxea, Susperregirekin batera, finalerdietarako txartela lortua du eta martxoaren 22an, larunbatean 16:30ean Galarretan hasiko den jaialdiko hirugarren partidan jokatuko du Goikoetxea V.aren eta Goikoetxea VI.aren kontra. Irabazleek, Gurrutxaga eta Eskudero izanen dituzte esperoan,
Galarretako jaialdiko lehen partidan, Aimar Jabalera doneztebarra eta Azpiroz, Segurolaren eta Martirenaren kontra ariko dira eta bigarrenean, partida nagusian, Ansa II.a eta Aritz Juanenea saldiastarra, Aldaberen eta Barrenetxea IV.aren kontra.