Dantzari ttikien topaketa eginen dute martxoaren 22an Saran

Ttipi-Ttapa 2025ko mar. 20a, 11:00

Sarako Zazpiak Bat taldeko dantzari ttikiekin batera, Igantzikoak eta Zuraidekoak ariko dira larunbatean Sarako Dantzati ttikien topaketan.

Zazpiak Bat dantza taldeak antolatu du eta Sarako dantzariekin batera, Igantzikoak eta Zuraidekoak ariko dira

Dantzari ttikien topaketa antolatu du Sarako Zazpiak Bat dantza taldeak martxoaren 22an. Sara, Igantzi eta Zuraideko dantzariak Saran elkartuko dira larunbatean eta eguna musika eta dantzarekin pasatzeko aukera izanen dute.

Larunbatean, 11:00etan desfilearekin hasiko dira eta Zahar Etxea, plaza, Lur Berri aparkalekua eta Keinu gelatik ibiliko dira. Sarako karriketan barrena itzulia egin ondotik, ikusgarria eskainiko dute plazan (edo kiroldegian denbora txarrarekin).

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun