Gradu amaierako ikerketa proiektuak, master amaierako ikerketa proiektuak zein bertzelako ikerketa proiektu monografikoak aurkeztu daitezke deialdira, beti ere unibertsitateko irakasle doktore baten zuzendaritzak bermatuta badira.
Ekainaren 10erako aurkeztu behar dira proiektuak, eskaera orria bete eta bidalita, eskatutako dokumentazioarekin batera. Ikerketan edo bertsolaritzan aditu diren hainbat lagunek osatutako batzordeak ekainaren 20a baino lehen jakinaraziko du zein izan den proiektu hautatua.
Hortik aitzinera, urtebeteko epea izanen du ikerlariak, edo ikertzaile taldeak, proiektua gauzatu eta ikerketa lana aurkezteko. Horretarako 4.000 euroko diru-poltsa bat hartuko du.
Deialdiaren bitartez, Nafarroa Garaiko bertsolaritzari buruzko ikerketa eragiteaz gain, ikertzaile gazteak edo hasiberriak lehen urratsak ematen lagundu nahi ditu Bertsozale Elkarteak.
Deialdiaren informazio gehiago hemen irakurri daiteke.