Informazio gehiago eske, Nafarroako Gobernuko Industria eta Enpresen Trantsizio Ekologiko eta Digitalerako Departamentura jo du TTIPI-TTAPAk. Industria departamentuko ordezkariek TTIPI-TTAPAri jakinarazi diotenez, «proiektua 50 MW baino handiagoa denez eta bi erkidegori eraginen liokeenez [Nafarroa eta Gipuzkoa], ez da Nafarroako Gobernuaren eskumena; Espainiako Ministerioarena baizik». Hala ere, xehetasun batzuk argitu dituzte: «Domiko proiektua Lesakako eta Goizuetako lurretan egin nahi dute, eta bereziki Lesakari eraginen lioke». Gehiago ere bai: «Bederatzi aerosorgailu izanen lirateke eta ebakuazio lerroa Oiartzunen izanen luke».
Zentral eolikoak eskualdean
Bertze makroproiektu eoliko bat ate joka eskualdean: Domiko, Lesakako eta Goizuetako lurretan
CNMC (Merkatuen eta Lehiaren Batzorde Nazionala) batzordeak urte hasieran argitaratutako txosten baten arabera, Cefiro Holdco izeneko enpresak Domiko proiektu eolikoa egiteko konexio baimena lortua du, zehazki, 2023ko maiatzetik badu baimena. Enpresa hori bera da Urumea aldeko mendietan proiektu eolikoa tramitatzen ari dena. Xehetasun gehiago albiste barrenean.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun