Zizur Nagusiko lau eta erdiko pilota txapelketa entzutetsuaren 29. edizioko finalak jokatu zituzten martxoaren 8an. Hamahiru final jokatu zituzten eta, bera, hamahiru txapeldun izan ziren. Horien artean eskualdeko bakarra izan zen, 2016ko benjamin mailakoa. Izan ere, kategoria ttikieneko bi finalistak Bortzirietakoak ziren: Juel Igoa etxalartarra eta Arkupeko Oihan Irurieta lesakarra. Etxalartarra nagusitu zen, 16-14, partida ikusgarri baten ondotik.
Bertze hiru finaletan ere izan ziren eskualdeko pilotariak, baina hiruak galtzaile suertatu ziren. 2011ko infantil mailan, Txarutako Oihan Braña iruritarrak 11-16 galdu zuen Lanpkeko Arrietaren kontra; 2012ko infantil mailan, Bortziriak taldeko Erik Igoa etxalartarrak (Juelen anaiak) 6-16 galdu zuen Bergarako Olanoren kontra; eta 2013ko alebinen mailan, Txarutako Aiert Urrutia iruritarrak 10-16 galdu zuen San Miguel taldeko Nuinen kontra.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.