Goizuetako Umore Ona elkartea Espainiako kluben arteko txapelketako ohorezko mailan ari da aurten. Asteburu honetan etxean jokatuko dute jardunaldia. Zehazki, martxoaren 7an, ostiralean 18:30ean hasita, Umore Ona eta Obarenaren arteko lehia izanen da.
Buruz buruko partidan, Umore Onako Eñaut Lizeaga, Oberenako Javier Oskozen kontra ariko da. Binakakoan, berriz, Umore Onako Beñat Apezetxeak eta Antton Apezetxeak, eskualdeko bi pilotari izanen dituzte arerio, Oian Canabal igantziarra eta Unax Apeztegia baztandarra.