Nafarroako Kirol Jokoen barrena, pilotan eskuz banakako txapelketaren finalak jokatuko dituzte neskek martxoaren 8an, larunbatean 10:00etan hasita Iruñeko Labrit pilotalekuan. Denera bortz final jokatuko dituzte eta horietatik lautan izanen dira eskualdeko pilotariak.
Lehenik, alebinen lehen mailako finala jokatuko du Arkupeko Ainara Hita igantziarrak San Miguel taldeko Vidanen kontra.
Bigarren mailako alebinetan, Arkupeko Eneritz Muñoa lesakarra, Ultzamako Iruren kontra ariko da.
Infantil mailako finalean, Arkupeko Joana Iratzoki igantziarra, Ados Pilotako A. Baleztenaren kontra ariko da.
Kadete mailako finalean, Umore Onako Alize Sagardui goizuetarra Oberenako Cresporen kontra ariko da.
Jubenil mailako finalean bakarrik ez da izanen eskualdeko pilotaririk: Huarteko Ibarrola, Oberenako Oskozen kontra ariko da.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!