Naroa Elizalde gogoan izan dute Adosen eskuz binakako txapelketako asteburuko jardunaldietan

Ttipi-Ttapa 2025ko mar. 3a, 20:00
Deskargatu Info Ahotsak :
Español English Français Català Galego

Agoitzen bezala, Tolosan ere minutuko isilunea gorde zuten Naroa Elizalderen oroimenez.

Naroa Elizalde Etxekolonea pilotari zubietarra gogoan, omenaldirik onena pilota txapelketarekin segitzea dela erabaki du Ados pilota elkarteak eta eskuz binakako txapelketako bi jardunaldi jokatu dituzte asteburuan, larunbatean Agoitzen eta igandean Tolosan. Bietan minutuko isilunea gordea da zubietarraren oroimenez, Agoitzen txistulariek ‘Agur Jaunak’ jotzen zuten bitartean.

Agoitzen, promozio mailako partidan, Gomezek eta Alize Sagardui goizuetarrak 22-10 irabazi zieten Lamadriden eta Perezen ordez aritu ziren Ayesa eta Crespori. Lehen mailako partidan, berriz, Iturriaga leitzarrak eta Mendiburuk 22-10 irabazi zieten Oskozi eta Agirreri.

Alize Sagardui goizuetarrak (eskuinetik bigarrena) garaipena lortu zuen Agoitzen promozio mailan.

Tolosako jaialdian, berriz, promozio mailan, Iraide Iriarte sunbildarrak eta Sotilek 19-22 galdu zuten Cresporen eta Perezen kontra.

Lehen mailako partidan, Iturriaga leitzarrak eta Mendiburuk asteburua borobiltzeko bigarren garaipena lortu zuten, Aranburu eta Mujika 22-16 menpean hartu eta gero.

Kirola Leitzaldea Malerreka Goizueta Leitza Sunbilla

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun