Hainbat kategoriatako aizkolariak aritu ziren Urrozen lehian. Batetik, Urrezko Binakako Aizkolari Txapelketako Euskal Label Saiko finalaurrekoa jokatuko dute Hodei Ezpeletak eta Arkaitz Etxebestek, Ugaitz Mugertzaren eta Ibai Soroaren kontra. Lehenbizikoa suertatu dira garaile eta finalean izanen dira. Ia minutuko aldea atera zieten Ezpeletak eta Etxebestek (18.06) Mugertza II.ari eta Soroari (19.04)
19 urtez azpikoen Banakako Aizkolari Txapelketan Julen Urrutia arraioztarra Aitor Saralegiren kontra aritu zen eta Saralegi gailendu zen, 22 segundoko aldearekin. Finalean izanen da Saralegi.
Banakako Aizkolari Txapelketan emakumezkoetan berriz, Laiene Pikabea (7.28) gailendu zitzaion Lucia Orberi, finalerako txartela lortuz.
Banakako Harri jasotzaile txapelketa Aroa Sanchez aritu zen eta, denera, 1.973 kilo altxatu zituen hiru minututan: 63 kiloko zilindroari 12 jasoaldi, 63 kiloko kubikoari 9 jasoaldi eta 50 kiloko bolari 13 jasoaldi.
