Espainiako txapelketan lehiatzeko sailkatzea lortu du Errekako Gaxuxa Zelaieta judokak

Ttipi-Ttapa 2025ko ots. 26a, 17:00

Gaxuxa Zelaieta legasarra hirugarren izan zen larunbatean Mendillorrin. Honela, martxoaren 29an Iruñean jokatuko den Espainiako junior mailako judo txapelketarako txartela eskuratu du Errekako judokak.

Larunbat honetan Mendillorrin izandako lehiaketan martxoaren 29an Iruñeko Navarra Arenan jokatuko den txapelketarako txartela lortu du

Larunbat honetan, otsailak 22, Mendillorrin jokatu zen Espainiako Junior mailako judo Txapelketarako sailkapena. Bertan, Errioxa, Aragoi, Euskadi eta Nafarroako judokak borrokan aritu ziren. Errekako Gaxuxa Zelaieta Eulate legasarra 57 kiloz beheitiko kategorian lehiatu zen eta, hirugarren postua lortuta, martxoaren 29an Iruñeko Navarra Arenan jokatuko den Espainiako txapelketarako sailkapena lortu zuen.

Gaxuxa Zelaieta, Mendillorrin lortutako dominarekin.

Kirola Bertizarana Malerreka Legasa Doneztebe

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun