Iruñeko Alde Zaharreko erremonte txapelketaren hamaikagarren edizioaren bigarren jardunaldia jokatu zuten otsailaren 21ean, ortzirale arratsaldean Iruñeko Labrit pilotalekuan. Lehen mailako partidan, Eloy Otxandorena eta Dabid Mitxeo doneztebarrek 35-33 irabazi zieten Matxin III.a eta Ion azpeitiarrei, partida ikusgarri eta berdindu baten ondotik. Promozio mailako partida oraindik berdinduagoa izan zen eta lehen jardunaldian galtzaile izan ziren Xuban Iturregi iruritarrak eta Mikel Mikelarena oiztarrak 35-34 irabazi zieten Osesi eta Agirrezabalari.
Otsailaren 19ko LGTBIfobiaren kontrako egunarekin bat eginez, ortziraleko jaialdiko erremontista guztiek ortzadarren ikurra zuen besokoa eraman zuten.