Gaur hasita, zazpi egunez, zazpi mobilizazio iragarriak dituzte Steilas, LAB, CCOO eta ELA sindikatuek. Zehazki, asteazkenero bi orduko lanuzteak egiteko asmoa dute, 09:00etatik 11:00etara, eta tarte horietan asanbladak eta elkarretaratzek eginen dituzte.
Hala egin dute gaur Elizondon, Beran eta Donezteben. Baztango elkarretaratzea Elizondoko plazan egin dute eta ondotik, Lanbide Eskolan asanblada egin dute; Malerrekako elkarretaratzea ikastetxe aitzinean eta biribilgunean egin dute eta asanblada San Miguel eskolan. Bortzirietako elkarretaratzea, berriz, Berako Mukixu zubian egin dute eta asanblada Toki Ona institutuan.
Leitzaldeko eta Urumealdeko irakasleen txanda martxoaren 12an izanen da.
Hauxe da sindikatuek proposatu dute egutegia:
- Otsailaren 19an Baztan-Bidasoan
- Otsailaren 26an Lizarraldean
- Martxoaren 12an Sakana-Larraun-Leitzaldean
- Martxoaren 19an Zangoza aldean eta Pirinioetan
- Martxoaren 26an Erriberan
- Apirilaren 2an Tafalla aldean
- Apirilaren 9an Iruñerrian