Lesakako Arkupe pilotazale elkarteak bigarren aldiz antolatutako eskuz binakako pilota txapelketaren barrenean kategoria ttikienetako finalerdiak jokatu dituzte otsailaren 16an. Benjaminen, alebinen neska infantilen eta mutil jubenilen finalerdiak, igande goizean jokatu zituzten Lesakako udal pilotalekuan eta mutil kadete eta infantilen finalerdiak Doneztebeko Ezkurra pilotalekuan. Beraz, martxoaren 1eko finaletako lehen protagonistak erabakiak dira eta senior mailakoak ortzegunean jokatuko diren finalerdietan erabakiko dira.
Igandean Lesakan
FINALERDIETAKO EMAITZAK
Benjaminak
Irurieta eta Hita (Arkupe), 18 – Iratzoki eta Muñoa (Arkupe), 6
Larralde eta Lujanbio (Umore Ona), 14 – Olaizola eta Goizueta (Umore Ona), 18
Neska infantilak
Almandoz eta Iratzoki (Arkupe), 8 – Arruti (Ziotza) eta Landa (Murumendi), 18
Iñigo eta Arraztoa (Ados), 7 – Galardi eta Ziaurritz (Oiarpe), 18
Mutil jubenilak
Murua (Intxurre) eta Artetxe (Ilunpe), 18 – Izagirre eta Figueroa (Lapke), 10
Perez (Lapke) eta Beroz (Gazteleku), 18 – Ramirez (Kurene) eta Moto (Txukun Lakua), 14
Alebinak
Elizalde eta Zubieta (Bortziriak), 18 – Goñi eta Leiza (Bortziriak), 17
Madariaga (Arkupe) eta Bengoetxea (Lagunak), 13 – Urrutia eta Ripa (Txaruta), 18
Igandean Donezteben
FINALERDIETAKO EMAITZAK
Mutil kadeteak
- Bidezabal (Tolosa-Aurrera) eta Munduate (Beti Onak), 7– Etxaniz (Oteiza) eta Alberdi (Lapke), 18
- Paraguayo VII.a (Najerino) eta Anzizar (Erreka), 18 – Bidart eta Zubillaga (Aurrera), 6
Mutil infantilak
- Labaka (Ataun) eta Jauregi (Intza), 17 – Lizarralde eta Larramendi (Ilunpe), 18
- Igoa eta Lazkanotegi (Bortziriak), 18 – Izagirre eta Artola (Lapke), 5
Senior mailako finalerdiak ortzegunean 19:00etan hasita Lesakan
Martxoaren 1eko finaletan zein pilotari ariko diren zehazteko, beraz, senior mailako finalerdiak jokatzea bakarrik falta da. Otsailaren 20an, ortzegunean 19:00etan hasita jokatuko dituzte Lesakako udal pilotalekuan.
- Lizeaga (Mundarro) eta Aranguren (Eple) – Elizalde (Beti Onak) eta Santesteban (Irurtzun)
- Apezetxea (Umore Ona) eta Landa (Oiarpe) – Orbegozo (Orioko) eta Odriozola (Eple)